Një seminar dy ditor ndërkombëtar për ngritjen e kapaciteteve do të mbahet më 21 shkurt. Veprimtaria do të zhvillohet në Varna të Bullgarisë, por do të sjellë së bashku profesionistë dhe praktikantë nga vendet e Ballkanit-Mesdhetar.
Workshop-i synon të rrisë kapacitetet e organizatave për të mbështetur anëtarët e tyre dhe sipërmarrjet e interesuara për mikpritjen me informacionin dhe ndihmën e nevojshme në miratimin e qasjes së qëndrueshme në aktivitetet e tyre. Temat e workshop-it mbulojnë një gamë të gjerë: si spektri i qëndrueshmërisë – turizmi i arritshëm dhe përgjegjës, zhvillimi i destinacioneve turistike, digjitalizimi dhe zgjidhjet e reja softuerike për menaxhimin e qëndrueshëm të hoteleve dhe restoranteve etj.
Pjesëmarrësit në aktivitet do të kenë mundësi të fitojnë njohuri të reja dhe të rrisin vetëdijen e tyre për risitë e sektorit, por gjithashtu të shkëmbejnë përvoja dhe qasje të qëndrueshme me kolegët e tyre nga Shqipëria, Bullgaria, Greqia dhe Maqedonia Veriore.
Për palët e interesuara që nuk janë në gjendje të marrin pjesë, workshop-i do të transmetohet live gjatë dy ditëve.
Takimi do të organizohet nga Shoqata e Arteve Kulinare dhe Mikpritjes në bashkëpunim me Universitetin e Menaxhimit të Varnës dhe është pjesë e projektit “Iniciativa për Shkëmbimin e Mësimit të Sipërmarrjes për NVM-të e Mikpritjes së Qëndrueshme në Rajonin Ballkanik-Mesdhetar” (HELIX).
